Kouvan

6 septembre 2025 13:43

Cette enseignante de Kreol Morisien, passionnée de poésie, de déco et de justice sociale, aime s’exprimer à travers des poèmes sur des sujets d’actualité dans sa langue de prédilection. Elle nous parle ici de vieillesse…

Akoz ou lapo ramase Ou pe trakase ? Me non ! Bien pa bon!

Se lalwa lanatir Ki finn rann ou mir Ou bizin santi ou fier Ki ou finn resi fer ou lavenir

Alor, pa trakase Mem ou lapo finn ramase Se enn sinbol de verite Ki nou bizin aksepte

Ena dimounn dir li vilin Ena dir li paret pa bien Me zot pa realiz sakrifis deryer Ki parfwa finn kout ser

Zordi lakoz ou’nn vie Zanfan deklar bliye Fer koumandir ou nepli existe Ek ou santi ou insilte

Ena fwa ou santi ou maltrete Ou zanfan nepli aksepte Elwagn ou depi lasosiete Me se zis zot mesanste

Pa santi ou mal Ou leker inn bizin fermal Mem ena fwa gagn dimal Ki mo kone pa banal

Mo pou dir ou enn ti sekre Ki pe deza pe arive Napa per pou al de lavan Pou al tap laport bann kouvan Li enn group feerik Ki donn bann rezilta manifik Aster,nepli met lame lor latet Bann kouvan tir tou kas tet

Ou pe santi ou mal Ou pa anvi al lopital Bann-la pou amenn lopital kot ou ete Linportans pou zot se ou lasante

Dokter vinn get ou Examinn ou, okip ou San ki ou bizin bouze San ki ou bizin deplase

Ou pou gagn boukou fasilite Kot infirmie vinn konsilte Disan, diabet, tansion tou fer teste Akoz linportans pou zot se ou lasante

Medsinn tou pou fini rantre Tou dan lord, kare-kare Pou ena plizier lezot lavantaz Ki pou ed ou evit boukou baraz

Tousala se gras a bann kouvan Kot zot tou bien an-avan Zot bann lekip prevantif Zot osi bann lekip edikatif

Bann kouvan finn konstrir kouman enn mesaze Kouman enn solision ek lagras Bondie Pou tir dimounn dan dife Ek rann zot lavi ere

Kouvan se enn soley leve pou tou Kouvan se enn parasol pou tou Kouvan se repons nou lapriyer Kouvan se repons nou lapriyer

Par Jenita Dindyal